მარიამ ღვთისმშობლის ეკლესია და მარიამობის ტრადიციები შალაურში

მარიამ ღვთისმშობლის ეკლესია და მარიამობის დღესასწაულის ტრადიციები შალაურში

საქართველოში ღვთისმშობლის სახელობის უამრავი ეკლესიაა. მათ შორის სოფელ შალაურშიც. ღვთისმშობლის ეკლესია მდებარეობს სოფლის სასაფლაოს შესასვლელთან. იგი  მცირე ზომისაა. აგებულია რიყის ქვით. მას რესტავრაცია გაუკეთდა 2006 წელს მიხეილ გელაშვილის მიერ (არქიტექტორი სოფელი შალაურიდან). მანამდე მხოლოდ ნანგრევები და სამხრეთის კედელი იყო შემორჩენილი. ეკლესიის ეზოში ოთხი ქვის საფლავია წერილობითი ორნამენტებით გაფორმებული.

შალაურის ღვთისმშობლის ეკლესია. მხატვარი: ანა წიგნაძე

სოფ. შალაურში მარიამობა აღინიშნება 28 აგვისტოს, (ღვთისმშობლის მიძინების დღე). ეს დღესასწაული პატივს მიაგებს ქალწული მარიამის, „მიძინებას“ ანუ გარდაცვალებას.  სოფლის მაცხოვრებლები ყოველ მარიამობას მოდიან ეკლესიაში, ანთებენ სანთელს და ლოცულობენ.ამ ეკლესიას ადგილობრივები ყოველ გიორგობაზეც სტუმრობენ.

წმინდა მარიამის ეკლესია რესტავრაციამდე

ყოველწლიურად ქართველი მორწმუნეები ქალწული მარიამისადმი მიძღვნილ სხვადასხვა დღესასწაულს აღნიშნავენ.

შემდეგი დღესასწაული ეს არის 21 სექტემბერი, ღვთისმშობლის დაბადების დღე.

ღვთისმშობელი მარიამი მიჩნეულია ქართველი ერის უდიდეს მფარველად და წინამძღოლად, რადგან ქართველებს სჯერათ,რომ საქართველო ღვთისმშობლის წილხვედრი ქვეყანაა, ასევე სჯერათ,რომ ღვთისმშობლის კვართი მდებარეობს საქართველოში,  კერძოდ სამეგრელოში, დასავლეთ საქართველოში, ღვთისმშობლის სახელობის ტაძარში.

მარიამი და მისგან წარმოებული სახელები არის ერთერთი ყველაზე გავრცელებული ქალის სახელი საქართველოში. ბოლო სტატისტიკის მიხედვით, ყველაზე მეტი მარიამი საქართველოში დაიბადა 2016 წელს (1633).

ივერიიის ღვთისმშობლის ხატი